Real Story of Afia
you can download full audio tap also....
Jamaat-e-Islami Pakistan
Jamaat-e-Islami India
Jamaat-e-Islami Bangladesh
Isami Jamiat Talaba Pakistan
Bangladesh Islami Chatra Shibir
Student Islamic Organisation India
ایپکا کے مطالبات منظور کئے جائیں: میاں اسلم
نائب امیر جماعت اسلامی پنجاب میاں اسلم نے کہا ہے کہ ایپکا کے مطالبات منظور کئے جائیں۔مہنگائی نے سرکاری ملازمین کوسڑکوں پر آکر احتجاج پر مجبور کردیا ہے۔انہوںنے بدھ کوآبپارہ میں ایپکا کے احتجاجی مظاہرین سے خطاب کرتے ہوئے کہا کہ جماعت اسلامی ایپکا کے مطالبات کی حمایت کرتی ہے۔ مہنگائی سے ہرگھر کابجٹ غیر متوازن ہوگیا ہے۔ غریبوں کے لیے جسم وجان کارشتہ برقرار رکھنا مشکل بنادیا گیا ہے۔ مہنگائی ہر روز بڑھ جاتی ہے لیکن حکومت کواپنی مصروفیات سے فرصت نہیں ہے ۔سرکاری ملازمین ملک کانظام چلاتے اورقوم کی خدمت کرتے ہیں۔پے اینڈ پنشن کمیٹی ایپکا کے مطالبات منظور کرے تاکہ سرکاری ملازمین یکسوئی سے ملک وقوم کی ترقی کے لیے کام کریں۔
ڈبل سواری پر پابندی اور مہنگائی کیخلاف شباب ملی کے ریفرنڈم کا آغاز
کراچی(اسٹاف رپورٹر) مہنگائی‘ بیروزگاری ‘ لوڈشیڈنگ‘ ڈبل سواری پرپابندی کے خلاف شباب ملی کراچی نے مہم کاآغاز کرتے ہوئے شہر بھر میں پہلے مرحلے میں ریفرنڈم سے شہر بھر کی عوام سے رائے طلب کرلی۔ اس سلسلے میں پہلا عوامی ریفرنڈم کیمپ ضلع غربی شیر شاہ میں لگایاگیا جس میں عوام نے بڑی تعداد میں ریفرنڈم میںحصہ لیا ۔ اس موقع پر شباب ملی شیر شاہ زون کے صدر عبدالقیوم اورزونل ذمہ داران عابد قیوم‘اسرار اور دیگر رہنما بھی موجود تھے۔ کیمپ کا دورہ کرتے ہوئے صدر شباب ملی کراچی محمد یوسف منیر نے کہاکہ ملک بھر میں مسائل کے حل کیلئے جس عوامی رابطہ مہم کا آغاز کیا گیا ہے یہ بہت جلد حکمرانوں کا بوریا بستر گول کرائے گی۔ شباب ملی جماعت اسلامی کے ساتھ مل کر ملک سے مہنگائی ‘بے روزگاری‘لوڈ شیڈنگ ‘ اورڈبل سواری پرپابندی کا خاتمہ کرکے دم لے گی ۔ انہوںنے مزید کہاکہ ملک میں اس وقت چوروں اورڈاکوﺅں کا راج ہے جو ہر روز عوام کوبے وقوف بنانے میں مصروف عمل ہیں۔ عوام اب بخوبی اپنے حکمرانوںکوپہچان چکے ہیں جو غریبوں کے نعرے بلند کرتے ہیں مگر اقتدار کے اعلی ایوانوںاور بیرون ملک بیٹھ کر عیاشی کی زندگی گزار ررہے ہیں۔ غریب عوام کو دو وقت کی روٹی میسرنہیں ‘ غربت کے ہاتھوںمجبور لوگ اپنے بچوںکو فروخت کرنے پرمجبورہوگئے ہیں جبکہ محلوںمیں بیٹھے ہوئے حکمران اپنے شاہانہ اخراجات کم کرنے کو تیارنہیں ہیں۔ حکمرانوں کے غلط اقدامات کی وجہ سے آج عوام غربت کی دلدل میںپھنس چکے ہیں ‘اور ان پرمزید بوجھ ڈالنے کیلئے طرح طرح کے ٹیکس لگائے جارہے ہیں۔اگر حکمرانوںنے اپنی روش نہ بدلی تو عوام کے غیض وغضب سے نہیں بچ سکیں گے۔محمد یوسف منیر نے کہاکہ شباب ملی شہر میں ڈبل سواری پرپابندی کے خاتمے کیلئے میدان عمل میںآچکی ہے اور بہت جلد کراچی کے نوجوانوں کے ساتھ مل کر اس پابندی کو ختم کرکے دم لیا جائے گا۔
جماعت اسلامی فرسودہ نظام کے خاتمہ کے لیے کوشاں ہی، حمیداللہ خان
کراچی (اسٹاف رپورٹر) امیرجماعت اسلامی ضلع غربی حمیداللہ خان ایڈووکیٹ نے کہاہے کہ جماعت اسلامی ایک عالمگیراوراقامت دین کی تحریک ہے جو معاشرے سے ظلم‘ ناانصافی اور فرسودہ نظام کوختم کرکے عدل وانصاف پرمبنی اسلام کے عادلانہ نظام کے لیے کوشاں ہے۔ جماعت اسلامی ایک اصولی جماعت ہے جو عوام کے جائزحقوق اوراعلائے کلمتہ اللہ کے لیے میدان عمل میں موجود ہے۔ عوام جماعت اسلامی کا ساتھ دے کر پاکستان کو دنیا کے نقشے پرایک ماڈل اسلامی ریاست قائم کرنے میں ہماری مدد کریں۔ ان خیالات کا اظہار انہوں نے جماعت اسلامی گڈاپ زون غربی کے تحت لال مسجدسرجانی میں منعقدہ اجتماع کارکنان سے خطاب کرتے ہوئے کیا۔ جس میں پاسبان گڈاپ کے صدر امیدعلی قاضی نے جماعت اسلامی میں شمولیت کا اعلان کیا۔ اس موقع پر امیرگڈاپ عبدالمجیدخاصخیلی‘ نائب امیرمحمداشرف میو‘ قیم انورعادل میﺅ‘ ناظم سرجانی کامران چشتی موجود تھے۔ حمیداللہ خان ایڈووکیٹ نے امیدعلی قاضی کو جماعت اسلامی میں شمولیت پر مبارکباد دیتے ہوئے کہاکہ نوجوان جماعت اسلامی کا ساتھ دیں گے تو بعید نہیں کہ ہم اسلامی انقلاب کو اپنی آنکھوں سے دیکھ لیں۔
ہفتے میں دوچھٹیوں کانوٹیفکیشن واپس لیاجائے‘ جماعت اسلامی حلقہ خواتین
کراچی (اسٹاف رپورٹر) جماعت اسلامی حلقہ خواتین کے تحت ادارہ نورحق میں ناظمات ضلع وزونزکی دوروزہ تربیت گاہ کا انعقادکیاگیا۔ جس میں قراردادیں پیش کرتے ہوئے کہاگیا کہ پاکستانی عوام کے دکھ درد رنج و مصائب میں مسلسل اضافہ ہورہاہی، عوام دلبرداشتہ ہوکر خودکشی کرنے پرمجبورہیں۔ مہنگائی کی عفریت عوام اپنے جگرگوشوں کو فروخت کرنے پرمجبورہورہے ہیں۔ پورا ملک کرپٹ مافیا کے ہاتھوں یرغمال بن چکاہے۔ ان حالات کے پیش نظر حکومت سے مطالبہ کیاگیاکہ ہفتے میں 2چھٹیوں کو واپس لیاجائے جبکہ مہنگائی،بیروزگاری اورافراط زرکو قابو کرنے کیلئے بجلی وگیس کے نرخوں میں اضافے کا سلسلہ بند کیا جائے اور لوڈشیڈنگ کو ختم کرنے‘ اشیائے صرف اور پیٹرولیم قیمتوں میں کمی اوربجلی پیداکرنے کے سلسلے میں پلاننگ اور اقدامات کیے جائیں۔ یہ بھی مطالبہ کیاگیا حکمرانوں کی رہائش گاہوں کو بھی لوڈشیڈنگ سے مستثنیٰ رکھاجائے۔
Blog Search
Custom Search
Dr. Afia Siddiqui
